Calvijns invloed op de reformatie in de Nederlanden voor zooveel die door hemzelven is uitgeoefend - pagina 218

210 vouldrois bien memploier pour vous en plus grandes choses. Mais pour ce que vous avez gens plus prochains qui vous exhortent et sollicitent, il me semble que vous navez pas grand besoing de mes lettres, sinon affin que vous soiez consolez du soing que iay de vostre salut. Car comme vous maymez, ie ne doubte pas que la memoire que iay de vous ne vous resiouisse. Au reste ce que vous pourrez attendre et desirer de moy, vous Ie trouverez plus prest en Ie cherchant soigneusement, eest que si vous estes diligens a lire la saincte parole de Dieu, et vous exercer en la doctrine dicelle et exhortations qui en sont tirees, il y aura assez pour vous confermer en la crainte de Dieu, vous edifier en la foy de nostre Seigneur lesus, et vous retenir en telle Constance que rien ne vous face decliner du bon chemin. Seulement gardez de vous refroidir, car vous scavez a quelle condition nous sommes appelez. Daultre part vous experimentez quelz moiens a Satan de vous desbaucher ou vous esgarer, sinon que vous fussiez retenuz de ceste bride de la parolle de Dieu. Car quoy quon se face acroire, si on se retire bien peu de temps, toute congnoissance quon aura eue sesvanouit tantost. Car nous sommes si plains de vanitez et mauvaises affections, quelles ont incontinent corrompu toute la bonne semence que Dieu aura mis en nous, sinon quon soit tousiours apres a cultiver pour arracher Ie mal et constituer Ie bien. Sur tout vous estes en un lieu OU il y domine tant de corruptions, que. si vous navez tousiours les remedes a la main, il vous seroit bien difficile de perseverer en la purete laquelle Dieu demande de tous les siens. E t ie pense bien que chacun sent assez en soy combien Satan sefforce a user de telles occasions. Taut plus donques avez vous a batailler au contraire. >Vray est que ce nest pas Ie tout de lire et douir, car nostre but est destre conioinctz et uniz a nostre Dieu en toute sainctete et perfection, et daultant que nous ny pouvons parvenir iusques a ce que nous soions despouillez de ceste nature corruptible, nous avons a cheminer' en integrite de vie, et servir en pure conscience ce bon Dieu qui nous a choisiz a soy. Mais pource quen nostre foiblesse, et au milieu de tant de tentations, nous avons bien tost mis en oubly quelle est nostre vocation pour nous aquitter de nostre debvoir, et cependant nostre legerete nous transporte ca et la, il est bien mestier de faire valoir les aides que Dieu nous donne. Parquoy, mes freres, exercez vous non seulement a lire en privé, mais aussi a vous assembier au nom de lesus Christ, affin dinvoquer Dieu et recevoir quelque bonne instruction pour profitter de plus en plus. Et par ce moien aussi, chacun incitera ses freres a prendre courage, et sera incite par eux. »Ie vouldrois bien, oultre ce que noz freres vous visitent, que vous eussiez homme resident avec vous pour vous enseigner, affin aussy davoir recours a luy en toutes voz difficultez, et vous prie dy tascher tant que vous pourrez. Au reste, mes freres, cheminez tousiours tellement au millieu de ceste generation perverse, que vostre vie monstre par effect que ce nest pas en vain que Dieu vous a separez, et desdiez vous plainement a nostre Seigneur lesus, iusques a ce que vous soiez

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen